Friday, January 19, 2007

الخروف الأخرس المتجمد


"الخروف الأخرس المتجمد" على وزن البحر الأبيض المتوسط كده...ليه خروف؟ علشان قدره كده. يعني العيد فرحة عند كل الأخوة البقر والجواميس وحتى الديوك الرومي، وهو يا حرام العيد عنده ورك وريش وفخدة وكبده وحلويات، وورق جرايد على أكياس بلاستيك، ويا تلاجة يا حلة، هو وبخته بقى.

يعني إمبارح كان الراجل الخروف ابن الحلال متأمع في الهدمة الصوف اللي حيلته وعمال يتنطط فوق السطوح، مقتنع إنه أقرب ما يكون للسحاب، وحاسس إن الدنيا كلها بتاعته، وكما قال الشاعر: "ما الدنيا إلا حقل برسيم كبير". وغنّى كل الأغاني اللي يعرفها واللي ما يعرفهاش، بالأبجدية بتاعته التي لا تحتوي إلا على حرفين، ميم وألف. وقرقض كل الحاجات اللي مبروط بها في عمود الإيريال، وقرر ينط من فوق السطوح، وراح ناطط واللي يحصل يحصل! وفجأة البدلة الصوف الإنجليزي تتحول لجناحات، والأبجدية تمتد من حرفين لـ400 حرف، يغني بهم كل المزيكا اللي اتخلقت في الدنيا، والهوا ما بقاش هوا، بقى خليط من ريحة الياسمين والصنوبر الجبلي، على شوية كوول ووتر. اختراق السحاب بيدي إحساس بالزغزغة والسُكر والفوقان في نفس الوقت، كإنه كوباية لاتيه آيريش كريم مظبوطة جاية بعد يوم عناء طويل. إحساس الرغاوي والقهوة إحساس عبقري، إحساس رائع بالحرية، مش مهم...ماهو بكره هيغرق في الملح والفلفل والليمون، ويبقى شريكه في الأوضة طبق جيلي عندي شلل رعاش مزمن.


7 comments:

Abu Salah said...

eih el demagh dih fakretny bi kafka bas comedy gedan we gamda kaman
keep it on ya shera

shera said...

ana nefsi a3raf el ragel beta3 kafka da kan 3amel demagh eh...da kan fe hetta tania khales we howa beyekteb. bardo el ekhwa el japanesse dol el hawa 3andohom 3ali awi.

حـدوتـة said...

lol! day3a :))

kollok koom...we kafka beta3 murakami...walahi i miss these weird dreams i used to get when i was reading him :))

abeermedhat said...

7elwa awe ya shera..
awalan mabrouk 3ala elblog ..
we saneyan 3agabne awe kawl elsha3er ;)) ..

Khaled said...

7elwa bardo ya shera.. el jelly abo shalal ra3ash da 7ekaya lewa7do.. :)

www.blogs4arab.com said...


يسعدنا تشريفك
www.blogs4arab.com

Neveen Bashier said...

great sense of humor; and unusual representation ^_^